August 23, 2014
Pub
Facebook Follow
  • Follow me to get more informaton for Keys, Satellite, Server, Flash

    تابعني على الفيس بوك للحصول على معلومات أكثر فأكثر

     ماعليك سوى الضغط على

    Follow (Abonné) 

     

Pub
Statistiques
  • 4 connected
    Total of 2 112 677 visitor(s)
    Website created on 11/18/2007
    Last update on 08/21/2014
Moteur Cherche
Statistiques
Newsletter
Facebook
Bein Sport
Rubriques

نكت مغربية مضحكة 2012 - 2013

 

واحد المكلخ هاز ميكا فيها جوج ليمونات
سول صاحبو مكلخ كتر منو: إيلا عرفتي شحال من ليمونة عندي ف هاد الميكا، نعطيهم ليك بجوج
صاحبو بدا يفكر يفكر يفكر، وقال ليه: ربعة؟

 

 



 

هادا واحد خينا ديما كياكل الفلفلة الحارة كل نهار، و ف كل ماكلة
سولوه صحابو : مالك مع الفلفلة الحارة؟
قال ليهم: راه فيها الفيتامين أحححححح

 



 

واحد المبوق قال لصاحبو: يا خويا هاد الجيران عندنا زقرامين بلا قياس
قال ليه صاحبو: علاش كتقول هاكا؟
قال ليه المبوق: سرط ليهوم ولدهم ربعة د ريال ف الليل، وهي تنوض عندهم القربالة والغوات

 



 


هادا واحد كان غادي ف الطريق، و زلق وطاح، و هوا يتقبو ليه حناكو
السيد بدا كيبكي و كيقول: ناري مستقبلي ضاع، ناري مستقبلي ضاع
ملي جاو يشوفو، لقاوه خدام نفار

 

 



 


واحد البنت ديما كيصدعها واحد الولد ف التليفون
البنت كعات بزاف و ناضت بدلات النمرة
ومن بعد عيطات للولد وقالت ليه المكلخة : صافي راه بدلت النمرة ديالي، أ الحمار
قال ليها المكلخ : غادي نجبد نمرتك غادي نجبدها، واخا من تحت الأرض

 

 



 


واحد المكلخ قال لصاحبو : الحمد لله ملي ما تزاديتش ف الميريكان
قال ليه صاحبو : وعلاش؟
قال ليه المكلخ : تسطيتي أولا مالك؟ أصاحبي ما كنعرفش نهدر النجليزية

 



 

احد المبوق حكموا عليه بالإعدام
قالوا ليه : أشنو
آخر حاجة كتمناها ؟
قال ليهم : كنتمنى هاد الشي يكون ليا درس ف المستقبل


 



 

واحد مكلخ مشى عند طبيب نفساني وقال ليه : دكتور، كتجيني واحد الحالة فشكل
كنهدر مع الناس وما كنشوفهومش
قال ليه الطبيب: وإيمتا كتجيك هاد الحالة ؟
قال ليه المكلخ : ملي كنهدر ف التلفون

 



 


هادا واحد المبوق عينيه خارجة
قال ليه واحد الراجل :  مال عينيك خارجة ؟
قال ليه المبوق : لا غير أنا اللي راجع اللور

 


 


 

واحد المبوق بغى يسيفط مـيـسـاج لمرتو

كتب ليها: إلـى أرق وأعـذب و أحـلـى وأجـمـل وأكـرم وأشـرف وأحـمـد وابـراهـيـم وحـسـن والـدراري كامـلـيـن الله يـحـفـظـكـم !!

 



 


هادا واحد المكلخ ما بقاش كينعسش ف الليل
سولوه : علاش كتبقى فايق الليل الكامل ؟
قال ليهم
المكلخ : بغيت نعرف شكون هاد الحمار اللي ديما كيعنكش ليا ف شعري

 



 

 


سولو واحد المكلخ : إيلا تقاضى ليسانس والمازوت وما بقى عندنا ما نديرو ف طوموبيلاتنا، أش نديرو؟

قال ليهم : إيوا أشنو المعمول، نركبو الطاكسيات

 



 

 


واحد مكلخ جالس مركز وكيفكر
سولوه : مالك ؟
قال ليهم : ما بغاتش تفهم ليا واحد القضية ... كيفاش دابا ختي عندها جوج خوت دراري وأنا عندي غير واحد خويا ؟

 



 

 

واحد قال لصاحبو مبوق : عرفتي أنا إيلا شربت القهوة ما كنقدرش ننعس
قال ليه المبوق :  أنا العكس ديالك، إيلا نعست ما كنقدرش نشرب القهوة

 



 

واحد الراجل خارج من لوزين، وهو يتعرض ليه واحد الشفار هلكو مزيان وخدا ليه الخلصة ديالو
 من بعد 15 يوم، كان الراجل خارج عاوتاني من لوزين، وهو يتعرض ليه نفس الشفار
 يالله بغى يعطيه قتلة ديال العصا تاني، وهو يقول ليه الراجل: حبس أخويا، هاك الخلصة ديالي، بلا ما تضربني
 شد من عندو الشفار الفلوس، وبقا عليه حتى سلخو
 قال ليه الراجل: الله يا خويا، عطيناك الفلوس وهلكتينا
 قال ليه الشفار: أنا ندي شي حاجة بعرق كتافي

 



 

واحد المكلخ سولوه: أشنو هو أهم أسباب الطلاق؟
فكر المكلخ شوية وقال ليهم: الجواج

 

 



 

هادا واحد الشيفور كان غادي بالكار وجالسة مرا شارفة ف القدام
شوية عطات ليه المرا الشارفة شي لوز، وهو ياكلو
شوية تاني، عطات ليه المرا الشارفة شي لوزات وكلاهم
المرة التالتة، مدات ليه المرا الشارفة اللوز، وهو يقول ليها: بارك الله فيك أ الوالدة، ولكن خلي لراسك شوية د اللوز
قالت ليه المرا الشارفة: لا أوليدي، راني ما عندي سنان، وبركة عليا كنمص السكلاط اللي داير بيهم

 



 

واحد الولد قال لأمه: مي، محتاجك تمشي معايا غدا للمدرسة
قالت ليه أمه: علاش أولدي؟
قال ليها الولد: قال لينا الاستاد اليوما، اللي ما جاش داير التمارين غدا غادي نضرب مو

 



 

هادوا تلاتة ديال الصحاب تفارضو فدجاجة محمرة وشراوها
منين جاو ياكلوها مالقاوش الخبز، ناضو صيفطو واحد منهم يجيب ليهم الخبز
تسناوه ساعة ما جاش
تسناوه ساعتين ما جاش
تسناوه تلت سوايع ما جاش
طلع ليهم الدم، وقالوا صافي عيق، ملي يجي ياكل هو الخبز
وهو نيت يخرج ليهوم من مورا الباب، وقال ليهم: شفتوا كون مشيت؟

 



 

واحد الغليض مشى عند الطبيب وقال ليه: بغيت ندير ريجيم، تقهرت بهاد الغلض
قال ليه الطبيب: كول نص خبزة ف الفطور، ونص خبزة ف الغدا، ونص خبزة ف العشا
قال ليه الغليض: واش قبل الماكلة أولا بعد منها؟

 



 

هادا واحد المبوق، ملي كيضرب البرق، كيفرنس
كيصحاب ليه كيصوروه

 



 


أستاذ ديال الإنجليزية قال لواحد التلميد: دير ليا
She has
في جملة مفيدة
قال ليه التلميذ : شي هاز اللحم وشي هاز الهم

 



 

هادي واحد المرا كبيرة وحشومية بزاف مشات تقرا ف محو الأمية
 وكان العنوان ديال الدرس : دخل أحمد، خرج أحمد
ملي تقول المعلمة: دخل أحمد، كدير المرا الزيف على راسها
وملي تقول المعلمة: خرج أحمد، كتحيد المرا الزيف على راسها
ملي مشات للدار، قال ليها راجلها: آشنو قريتو اليوم؟
 قالت ليه: علاه احمد خلانا نقراو؟ ها هو داخل، ها هو خارج

 



 


واحد مبوق قاعد قدام التلفزة وكيضحك
قال ليه صاحبو: مالك؟
قال ليه المبوق: دابا هادي تلفزة، و ملي كنسد عيني، كتولي راديو

 



 

علي وبراهيم تشاركوا ف حانوت
 
واحد النهار، ناض علي علق على الحانوت پلاكة مكتوب عليها بالفرنسية
 
Alimentation générale
 
جاء براهيم قرا الپلاكة وكعا، وهو يبدلها ودار فيها
 
Brahimentation générale
 
 
 


 

هادو رباعة ديال المكلخين عندهم حفرة فالحومة، ناضوا تجمعو باش يلقاو شي حل
قال ليهم واحد: نديروا شي فرملي ف الحفرة، باش اللي طاح فيها يداويه ف البلاصة
قال ليهم واحد اخر: لا نجيبو لابيلانص حدا الحفرة، باش اللي طاح نديوه فيساع للسبيطار
هدر واحد اخر: نريبوا داك السبيطار، ونبنيو واحد اخر
ناض واحد قال ليهم: وا لا! خاصنا نسدو هاديك الحفرة...
ونحفروا وحدة أخرى قدام السبيطار

 




جوج برغوتات كانوا ف الحمام
وحدة قالت لصاحبتها: نمشيو على رجلينا أولا نشدو كلب؟

 



 

واحد السيد ديما كتعايرو مرتو: الناس ݣ‬اع مشاو للطاليان، ونتا باقي هنا
هو يقول ليها: شوفي، أنا غادي نجلس فالدار واحد الشهر، واللي يسولك علي، ق‬ولي ليه مشى للطاليان
قالت ليه واخا
اللي يسولها كتق‬ول ليه راجلي مشا للطاليان
واحد النهار، سمع ولدو ضربو شي واحد ف الزنقة
هو يطل من الشرجم، وقال ليه: واخا عليك حتى نرجع من الطاليان ونوريك

 



 

واحد المعلم عرض على صحابو يجيو عندو للدار
 ملي جلسو شوية هدروا، قال ليهم: شنو نسبقو أتاي ولا العشا؟
قالوا ليه: العشا !
 هو يقول ليهم: توكلنا على الله نوضو تصليو

 

 

 

Friday, September 07th 2012 at 03h49 in Nokat Marocain - Maghribiya
Post a comment
Login :
Email (Required) :
Website address (Optional) :
Your message :
Do you want to follow the discussion ?
No comment


Follow me to get more informaton for Keys, Satellite, Server, Flash

تابعني على الفيس بوك للحصول على معلومات أكثر فأكثر

 ماعليك سوى الضغط على

Follow (Abonné) 

 

 

Follow (Abonné)