October 31, 2014
Pub
Facebook Follow
  • Follow me to get more informaton for Keys, Satellite, Server, Flash

    تابعني على الفيس بوك للحصول على معلومات أكثر فأكثر

     ماعليك سوى الضغط على

    Follow (Abonné) 

     

Pub
Statistiques
  • 2 connected
    Total of 2 165 719 visitor(s)
    Website created on 11/18/2007
    Last update on 10/15/2014
Moteur Cherche
Statistiques
Newsletter
Facebook
Bein Sport
Rubriques

نكت مغربية مضحكة جدا بالدرجة 2013

شفار تزوج شفارة، ملي ولدو وليد لقاوه ساد ايديه، وملي حلوها لقاو الخاتم ديال القابلة

 



 

واحد المكلخة كانت غادية ف الزنقة وهي توقف حدا واحد المراية.
بقات تشوف فراسها وكتقول: فايت ليا شفت هاد الكمارة... أنا متأكدة كنعرف هاد البنت
شوية وهي تعيق: اااااااااااااه هادي هي ديك خيتي اللي كانت كتحنزز فيا عند الكوافورة

 



 

جوج مبوقين كانوا جالسين حدا واحد الحيط
ناض واحد فيهوم سول لاخور: شوف شوف، أشنو هاديك النقطة الزرقا اللي ف الحيط؟
حنزز فيها صاحبو مزيان، وقال ليه: هاديك نملة لابسة الدجين

 



 

هادو ربعة د المكلخين كيبدلوا البولة ديال البيت
واحد شاد البولة، وتلاتة كيدوروه

 



 

واحد المرا قالت لراجلها: خاصك تدي هاد العفريت ديال ولدك لحديقة الحيوان
قال ليها راجلها: إيلا بغاوه إيجيو إيديوه هوما نيت

 



 

واحد شرا بارابول بالتخبية من دارهم وخباه ف السطاح، وقال ليهم: حتى واحد ما يطلع للسطاح، راه شريت كلب كبير و جاعر.
ناض خوه طلع للسطاح باش يشوف أشنو كيان، وملي نزل جا كيجري ومخلوع.
سولوه: شفتي الكلب؟
قال ليهم: لا، شفت غير الطبسيل فاش كياكل

 



 

سولوا واحد المكلخ : علاش كيدير الطبيب والفراملية الكمامات إيلا كيدروا شي عملية؟
قال ليهم المكلخ : باش إيلا ما صدقاتش ليهم حتى واحد ما يقشعهم

 



 

هادا واحد مكلخ مشى يخطب
جات البنت حطات ليه كاس ديال أتاي ليبتون
Lipton
قال ليها: من دابا بدينا ف الحجابات؟
 
 


 

واحد المرا سولات ولدها: واش نتا عزيز على المعلمة ديالك؟
قال ليها الولد: أه أماما، أنا بوحدي اللي كتقول ليا غادي تبقى معايا العام الجاي

 



 

وحد المبوق سول صاحبو: أشنو غادير دير إيلا فقتي ولقيتي راسك ميت؟
قال ليه صاحبو المبوق: نااااااري أصاحبي، راني نتسطى

 




واحد الاستاد ديال الفرنسية سول التلاميذ دياولو: أشنو هي النجمة بالفرنسية؟
واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال
L'étoile
تعجب الاستاذ من هاداك الكسول وقال ليه: ركبها في جملة مفيدة.
جاوبو الكسول: اللي طوال يرجعو اللور، واللي قصار يزيدو القدام

 



 

هادا واحد ديما كيمشي عند مول الحانوت كيقول ليه: عندك خبز كارم؟
 كيقول ليه مول الحانوت: لا.
بقاو على هاد الحال شحال، واحد نهار فكر مول الحانوت وقال: اليوم غادي نوجد ليه خبز كارم.
 جا عندو هاداك الراجل، قال ليه: عندك خبز كارم؟
 هاد المرة قال ليه مول الحانوت: كاين
 وهو يقول ليه: ماغاديش يتباع ليك

 



 

هادي واحد البنت وصلات المدرسة معطلة
قال ليها الاستاد: مالكي تعطلتي؟
قالت ليه: راه واحد كان كيتبسل عليا و تابعني
قال ليها المعلم: إيوا إيلا كان شي واحد تابعك غادي توصلي دغية ماشي تعطلي
قالت ليه: راه هو اللي كان كيتمشى بشوية

 



 

واحد المعلم قال للتلاميد دياولو: اللي حاس براسو مكلخ يوقف
سكتوا التلاميد كاملين إلا واحد ناض وقف
قال ليه المعلم: حاس براسك مكلخ؟
قال ليه التلميد: لا، غير ما بغيتكش تبقى واقف بوحدك

 



 

هادا واحد الزقرام  كيقرا ف محو الأمية. سولو المعلم قال ليه: 60+60 شحال كتساوي؟
قال ليه السقرام : 120  
وهو يقول ليه المعلم: مالك البارح قلتي للمفتش 140؟
أو هو يقول ليه الزقرام: راه زدت عليه حيت هو ماشي من الكليان ديالي

 



 

واحد المعلم  سول التلميد: علاش تعطلتي؟
قال ليه الولد: واحد الراجل كان كيقلب على 100 درهم ديالو
المعلم: مزيان، هي كنتي كتعاونو يقلب عليها
التلميد: لا، كنت حاط رجلي عليها

 



 

هادي واحد الطلابة قالت لواحد المعلم: الله يرحم الوالدين عطيني باش نفرح الدراري
قال ليها: سيري قولي ليهوم راه ما كايناش القراية غدا

 



 

قال ليك هادا واحد مشى عند مول المحلبة وقال ليه: بشحال التفرتيت؟ قال ليه مول المحلبة: فابور
قال ليه خينا: إيوا فرتت ليا عافاك واحد تلاتة ديال ميل فوي
 
 


هادي واحد البنت نص ساعة وهي كتهدر ف التلفون.
مللي سالات قالت ليها ختها: على سلامتك! كي درتي ساليتي ف نص ساعة؟ عادة كتشدي التلفون ساعتين
قالت ليها البنت: اه، راه غير النمرة غلط

 



 

هادا واحد خينا مشى عند الطبيب وقال ليه: كلشي كيضرني. إيدي، رجلي، كرشي، صدري.... اللي حطت عليها صبعي كضرني
دوز ليه الطبيب وما لقى عندو والو. وهو يقول ليه: أرى كاع داك الصبع نشوفو.

 



 

واحد المرا قالت لراجلها: دلعني!
قال ليها: انتي قمرة
قالت ليه: انت شمش
قال ليها: انتي لؤلؤ
قالت ليه: انت ألماس
قال ليها: انتي مشة
قالت ليه: انت كلب
قال ليها: انتي طااااااااااااااااااااالق

 



 

هادو شي رجال جالسين ف القهوة، ناض واحد قال ليهوم: اللي كيخاف من مرتو ينوض يجلس اللور.
ناضوا كاملين إلا واحد. سولوه: نتا ما كاتخافش من مرتك؟
قال ليهوم: راه قالت لي سير للقهوة وما تحركش حتى نجي

 



 

هادا واحد الولد طلع للسطاح ولقى جداتو كتغسل شعرها من الحنا.
 هو غير شاف اللون ديال الما قهوي وهو يقول ليها: شفتي أجدة أشنو كنقول ليك ديما؟ ها راسك تصدى كاع من كترة الجليس ف السطاح

 



 

هادا واحد مشات ختو تولد وشداتو الخلعة وتالف. سولوه: أشنو غادي يتزاد عندكوم؟
قال ليهم: إيوا هاد الساعة مازال ما عرفت واش غادي نولي خال أولا خالة

 



 

هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟
قال ليه مول القنية: أسبحان الله، راه قنية هادي
قال ليه المبوق: ما هدرتش معاك، هدرت مع القنية

 



 

واحد الراجل سميتو مبارك، شرى حولي ودخل بيه الدرب
شافتو جارتو من الشرجم، وقالت ليه: مبارك الحولي
قال ليها: خدوج النعجة

 



 

هادي واحد المرا بغات تركب طاكسي وهي تسول مولاه: بشحال أولدي كتدي لحي المقاومة؟
قال ليها: 15 درهم
قالت ليه: والسيكان؟
قال ليها: السيكان فابور
قالت ليه: إيوا هاك أولدي دي ليا هاد السيكان هاني غادي نلحق بيك على رجلي

 



 

هادا واحد عندو واحد الكتكوت مفترس. كيديرو مع الدجاج كياكل ليه الدجاج. دارو مع الحوالا خرج ليه على الحوالا. دارو مع البقر، لقاه فرتك ليه البقر. الراجل طلع ليه الدم وهي يدي داك الكتكوت رماه ف الصحرا
 مللي دازو 3 ايام، الراجل بقى فيه الكتكوت قال يمشي يطل عليه. مللي وصل للصحرا لقاه مرمي ف الرملة والنسور كيحومو عليه. جرا عندو الراجل وقال ليه: مييييمتي الكتكوت ديالي مات
قال ليه الكتكوت : الله يعطيك الويل خرجتي ليا على البلان

 



 

هادا واحد المعلم قال للتلاميد دياولو: سولوني أي سؤال وإيلا ما عرفتش نجاوب عليه نعطيكم 100 درهم، وإيلا سولتكوم أنا سؤال وما عرفتوش تجاوبوا عليه عطيوني 50 درهم
الدراري تخلعوا حتى من المجتهدين. شوية ناض الدمدومة ديال القسم رفع صبعو وفرع للمعلم راسو حتى خلاه يهدر، قال ليه المعلم: زيد كاع أشناهو السؤال ديالك؟
قال ليه الكسول: أشناهي الحشرة اللي عندها 9999 رجل؟
المعلم عيا ما يفكر ما عرفش الجواب. وهو يعطي للكسول 100 درهم كيفما اتافقو
ناض المعلم سول الكسول: يالله قول لينا نتا أشناهي هاد الحشرة اللي عندها 9999 رجل؟
قال ليه الكسول: والله أودي ما عرفت، وهو يعطي للمعلم هاديك 100 درهم وقال ليه: هاك هادي، خود 50 درهم ورد علي 50 درهم ديالي

 



 

هادا واحد مبوق وصل حدا البوتو ديال الضو وبدا يدق يدق يدق، يصحاب ليه واش دارهم
جا عندو واحد آخر مبوق كتر منو، قال ليه: أشنو كدير أصاحبي؟
قال ليه المبوق اللول: كندق على دارنا وحتى واحد ما حل ليا
طلع المبوق لاخور راسو وهو يقول لصاحبو: إيوا العجب... راهوم شاعلين الضو زعما

 



 

واحد الصحفي مشى لسبيطار الحماق باش يدير لقاء مع الطبيب
الصحفي: كيفاش كتعرفو اللي مسطي من اللي بعقلو؟
الطبيب: كنديرو الاختبار ديال البينوار
الصحفي: واشنا هو هاد الاختبار؟
الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار
الصحفي: وطبعا إيلا استعمل المعيلقة أولا الغراف كيكون هبيل، وإيلا  استعمل السطل كيكون بعقلو
شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي... بغيتي الشرجم ديال بيتك يطل على الشانطي أولا على الجردة؟

 



 

واحد مكلخ قال لصاحبو: البارح ما نعستش مزيان ف التران
قال ليه صاحبو: وعلاش؟
قال ليه المكلخ: لحقاش كنت ناعس ف البلاصة الفوقانية
قال ليه صاحبو: وعلاش ما تبادلتيش مع مول البلاصة التحتانية؟
قال ليه المكلخ: حيت كانت خاوية وماكانش فيها حتى واحد باش نتبادل معاه

 



 

واحد مكلخ دار إيدو ف الما القاطع و دابت ليه. هو يدخل راسو باش يقلب عليها

 



 

راجل معقول كان غادي وطاح ف حفرة
 ناض منها وشاف قدامو وهي تبان ليه حفرة أخرى وقال: أوووف هنطيح عوتاني

 



 

عشرة د المكلخين كيتعلموا الربطة ديال الكرافاتة. ستة ماتوا وربعة ف حالة حرجة

 

 

 

Friday, September 07th 2012 at 04h12 in Nokat Marocain - Maghribiya
Post a comment
Login :
Email (Required) :
Website address (Optional) :
Your message :
Do you want to follow the discussion ?
No comment


Follow me to get more informaton for Keys, Satellite, Server, Flash

تابعني على الفيس بوك للحصول على معلومات أكثر فأكثر

 ماعليك سوى الضغط على

Follow (Abonné) 

 

 

Follow (Abonné)